Bie numri i ndërmarrjeve të regjistruara

17:47 | 1 Nëntor 2016
Arbresh.info

Agjencia e Statistikave të Kosovës (ASK) ka publikuar repertorin statistikor mbi ndërmarrjet në Kosovë për tremujorin e tretë të këtij viti, ku thuhet se gjatë kësaj kohe janë regjistruar 2 476 ndërmarrje dhe janë shuar 457 ndërmarrje.

Sipas ASK-së, krahasuar me tremujorin e njëjtë të vitit të kaluar, pati një rritje për 8.4% të ndërmarrjeve të regjistruara.

Ndërsa, krahasuar me tremujorin paraprak të këtij viti, pati një rënie prej 11.6% e ndërmarrjeve të regjistruara.

“Aktiviteti ekonomik më i preferuar gjatë këtij tremujori ishte tregtia me 21.7% të ndërmarrjeve të regjistruara. Kategoria e numrit të të punësuarve nga 1-9 (të punësuar) (mikro) përbën 96.6% të ndërmarrjeve të reja”, thuhet në komunikatën e ASK-së.

Sa i përket shtrirjes gjeografike të ndërmarrjeve të regjistruara, në nivel të komunave, ashtu si në çdo tremujor mbizotëron Prishtina me 24.9%.

Shpërndaje në rrjete sociale

Lajmet më të lexuara

Të ngjashme

Foto lajm