Ministrja e Integrimeve Mimoza Ahmetaj ka pranuar marrëveshjen e IPA-s 2016 e cila parasheh asistencë prej 45.5 milionë euro ndihmë për Kosovën.
Marrëveshjen ministres Ahmetaj ia ka dorëzuar sot drejtoresha për për Ballkanin Perëndimor në Drejtorinë e Përgjithshme për Fqinjësi dhe Negociata të Zgjerimit të Komisionit Evropian, Genoveva Ruiz Calavera.
Ruiz Calavera gjatë vizitës në Kosovë është takuar sot edhe me kryeministrin Isa Mustafa, pastaj do të takohet me ministrin e Jashtëm Enver Hoxhaj, ministrin e Zhvillimit Ekonomik Blerand Stavileci, ministrin e Financave Avdullah Hoti, si dhe udhëheqësit e partive politike parlamentare.
Drejtoresha Ruiz Calavera do të vizitojë po ashtu projektet e financuara nga BE-ja dhe do të takojë përfaqësues të shoqërisë civile, studentë dhe biznesmenë.
Përndryshe, IPA – Instrumenti për Asistencë të Para-Anëtarësimit- është një mekanizëm i krijuar nga BE-ja për t’i ofruar ndihmë në mënyrë efikase Ballkanit Perëndimor dhe Turqisë.
Saktësisht, Turqisë, Kroacisë, Maqedonisë, Shqipërisë, Bosnje Hercegovinës, Kosovës , Malit të Zi dhe Serbisë.
Mbi 2 mijë e 432 tiketa trafiku të shqiptuara brenda 24 orëv...
Sot shënohet Dita Ndërkombëtare e të Gjuhës së Shenjave
Si është të jesh shqiptar në Serbi?
Osmani ndan fotografi krahë presidentit amerikan: Aleancë që...
Bllokohen 24 prona dhe 11 objekte në Prishtinë, Graçanicë dh...
Sot fillon xhiro e shtatë në Superligën e Kosovës