Google ADS

Anulohet tenderi 3 milionë euro i një agjencie që donte të furnizohej me pemë e perime

09:34 | 2 Janar 2020
Arbresh.info

Është anuluar tenderi për furnizim me pemë dhe perime i Agjencisë Qendrore të Prokurimit.

Vendimi për tenderin që kapte shifrën prej 3 milionë euro ishte marrë të martën e 23 dhjetorit, shkruan arbresh.info.

Në njoftimin për anulim të aktivitetit të prokurimit të bërë publik në faqen zyrtare të Komisionit Rregullativ të Prokurimit Publik. Gjithashtu në të njejtin njoftim thuhet se arsye e anulimit është një dispozitë në Ligjin e Prokurimit Publik.

“Një dispozitë në Ligjin e Prokurimit Publik kërkon anulimin e aktivitetit të prokurimit”, thuhet në arsyetim.

Kohëzgjatja e kontratës ishte 36 muaj apo 3 vite.

Në kohën kur ishte hapur tenderi thuhej se kompania fituese do të bënte furnizimin me 49 lloje të ndryshme të pemëve dhe perime. Sasia më e madhe ishte për molla të freskëta gjithsej 86003 kilogramë ndërsa sasi e madhe kërkohet edhe nga pjeshkat, domantet, qepët, portokallë etj./arbresh.info/

 

Shpërndaje në rrjete sociale

Lajmet më të lexuara

Të ngjashme

Foto lajm