Derisa flatacionet dhe minierat e “Trepçës” në jug të Mitrovicës dhe në zonat e tjera të Kosovës po pushojnë nga prodhimi, tash e tre muaj menaxhmenti serb i “Trepçës” në veri po lidh kontrata milionëshe me kompani ndërkombëtare për shitjen e koncentratit të plumbit dhe të zinkut, shkruan Zëri.
Agjencia Kosovare e Privatizimit (AKP), e cila administron me ndërmarrjen “Trepça”, bazuar në Ligjin për Riorganizimin e Ndërmarrjeve të Caktuara dhe Pasurive të tyre, e konfirmon se këto kontrata prej 24 milionësh janë lidhur me dy kompani ndërkombëtare.
Dokumentet e dy kontratave, të publikuara ditën e hënë, tregojnë se nga këto shitje të pasurisë së “Trepçës”, që kontrollohet nga serbët e veriut të Mitrovicës, do të përfitohen 24 milionë euro brenda vetëm një viti.
Edhe zyrtarisht, kombinati “Trepça” në veri të Mitrovicës ka njoftuar për arritjen e marrëveshjeve për eksportin e koncentratit të plumbit dhe të zinkut, që nxirren nga minierat “Belo Brdo” dhe “Crnac” të Leposaviqit. Këto informata i ka konfirmuar edhe AKP-ja.
Biden: Arritja e armëpushimit në Gaza është ende real
Odegaard do të humb nëntë ndeshje pas lëndimit
Aliu: Kosova synon të lidhë rrjetin hekurudhor me atë evropi...
Osmani në Akademinë e famshme ushtarake amerikane West Point...
Kryeziu: Qeveria po punon për zhbllokimin e CEFTA-s
Kurti e akuzon Perëndimin se po e “përkëdhel” Serbinë