725 mijë euro do të kushtoj pastrimi i QKUK-së për 6 muaj

10:29 | 3 Mars 2020
Arbresh.info

Shpesh herë janë dërguar kritika drejt Qendrës Klinike Universitare e Kosovës për papastërti në objekt.

Por, së paku për 6 muaj në hapësirat e brendshme të saj pritet të mos jetë ky problem, shkruan arbresh.info.

Kjo pasi tashmë është dhënë tenderi për pastrim të tyre.

Kështu bëhet e ditur në njoftimin për nënshkrim të kontratës të bërë publik në faqen zyrtare të Komisionit Rregullatv të Prokurimit Publik.

E tenderi me titull ‘Pastrimi i hapësirave te brendshme te QKUK-së’ ka kushtuar mbi 700 mijë euro Aty thuhet gjithashtu se fituese ka dalë kompania “LAGUNA SH.P.K.” nga Prishtina ndërsa çmimi ka arritur në 725.373,90 euro.

Ky OP ishte i vetmi që kishte aplikuar për këtë kontratë ndërsa kishte ofruar çmim të përafërt me atë sa ishte paraparë në shpallje të tenderit.

Këto para thuhet të jenë ndarë nga buxheti i konsoliduar i Kosovës./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm