Çdo ditë me dhjetëra aeroplanë fluturojnë dhe aterojnë në Aeroportin Ndërkombëtar të Prishtinës.
E në vetëm tre muajt e parë të 2020-es, numri i fluturimeve në arritje dhe nisje ka shkuar mbi 1 mijë e 500, shkruan arbresh.info.
Saktësisht ky numër është 1,534 por rreth 200 fluturime më pak se periudhën e njëjtë të vitit të kaluar.
“Numri i fluturimeve në tremujorin e parë të vitit 2020 është 1,534 në raport me tremujorin e njëjtë të vitit të kaluar (TM1 2019) kemi ulje për 14%”, thuhet në “Statistikat e Transportit dhe Telekomunikimit” për tremujorin e pare të publikuara nga Agjencia e Statistikave të Kosovës (ASK).
Aty thuhet gjithashtu se në periudhën janar-mars 2019, në këtë aeroport kishte 1,783 fluturime ndërsa një vit më herët në të njëjtën periudhë 1,560 fluturime.
Ndërsa numri i udhëtarëve që kanë shfrytëzuar aeroplanin si mjet transporti është rreth 431 mijë, në raport me tremujorin e njëjtë të vitit të kaluar (TM1 2019) kemi ulje për 9.42%.
E në tre muajt e parë të 2018-es ky numër ishte 418 mijë.
Kujtojmë që tash e pothuajse dy muaj janë ndërprerë fluturimet në Aeroportin Ndërkombëtar të Prishtinës si masë parandaluese për përhapjen e Covid 19.
Fluturime në arritje dhe nisje po realizohen vetëm për qytetarët që duan të kthehen ose të shkojnë në vendet e tyre e që kanë raste urgjente./arbresh.info/
Çitaku për Hamzën: Dramën ua lëmë aktorëve, qeverisjen profe...
Nesër mbahet “Forumi për Sportin”
“Ai është anësori më i mirë në botë” – Lewandowski me këshil...
Romeo Veshaj po rikthehet pas shumë kohësh me këngë të re
Zelensky shpalos “planin e fitores” gjatë takimi...
Hamza nuk vendos vija të kuqe: Koalicioni me LDK-në më i pre...