Komuna e Rahovecit vitin e ardhshëm do të bëhet me palestër sportive, njoftoi ministri i Kulturës Rinisë dhe Sportit Kujtim Shala gjatë vizitës që i bëri sot Rahovecit dhe takimit me kryetarin e komunës Idriz Vehapi.

Shala tha se tashmë në buxhetin e vitit të ardhshëm janë ndarë 300 mijë euro për ndërtimin e palestrës sportive.

Kryetari i komunës së Rahovecit Vehapi tha se Ministria ka premtuar se së shpejti do të përfundojnë punimet dhe do të zgjidhen shumë probleme të aktiviteteve sportive në komunë.

“Ishte një takim pune me ministrin e kultures ,rinis dhe sportit Z.Kujtim Shala, biseduam për investimet e komunës së Rahovecit, për sfidat për të cilat ballafaqohet fusha për të cilen biseduam, konkretisht erdhëm për të vizituar sallën e sporteve këtu në komunë. Morëm premtimin se shumë shpejt do të përfundohet dhe me këtë do të zgjidhen problemet sa i përket infrastrukturës për zhvillimin e aktiviteteve të ndryshme sportive në komunën tonë”,tha ai .

Ministri Shala tha se dikasteri i tij do të përkrahë komunën që të mbështesin interesat e qytetarëve. Ai tha se Ministria me Ligjin për buxhet do të garantojë mjete të mjaftueshme për finalizimin e kësaj palestre.

“Këtu jemi në palestrën e sportit, e cila është një investim i Qeverisë, saktësisht i ministrisë së kulturës, rinisë dhe sportit, një nga investimet më të rëndësishme viteve të fundit në këtë fushë të kësaj ministrie . Siç po shihet këtu po finalizojmë punimet e fazës së dytë, ndërkaq faza tjetër do të finalizohet vitin tjetër. Për këtë ne me ligjin për buxhet do të garantojmë buxhet të mjaftueshëm. Besojmë se me finalizimin e punëve në këtë palestër ne do të krijojm kushte që sporti dhe kryesisht sportet kolektive në komunën e Rahovecit do të kenë një ambient të përsht atshëm që të zhvillojmë aktivitetet”, tha ministri Shala.

Ai gjithashtu tha se Ministria po investon paralelisht edhe në disa palestra tjera, por është shprehur i pakënaqur më punimet që kanë rrjedhur deri tani . Ai gjithashtu premtoi një buxhet prej 300.000 euro për finalizimin e këtij projekti.

“Në gjithë Kosovën kemi një rrjet palestrash në të cilat po investojmë paralelisht, unë kam vërejtur që edhe në rastet kur Qeveria ka pasur buxhet të mjaftueshëm, punimet kanë ecur në një dinamik e cila nuk ka qenë e kënaqshme, besoj që përgjetsi kryesore për dinamikën e punëve është përgjetsia e kompanive të cilat janë fituese të tenderve dhe të cilat implementojn punimin.gjat këtij viti ne jemi kujdesur që të sigurojm një dinamik tjetër të punimeve dhe ne kemi inspektuar të gjitha palestrat që ne p o investojm. Unë kamë qenë në komunat e caktuara vetë edhe 2 her ose 3 her që të sigurohem që punët po ecin mirë. Ne për fazën e fundit të punimeve në këtë palestër kemi propozuar në projekt ligjin për buxhetin që të ndahen rreth 300.000 euro, ne besojmë që ato do të jenë të mjaftueshme që të finaloizojm këtë fazë” ,shtoi ai.