​Përmirësim i konkurrencës së produkteve të mishit në Kosovë

07:41 | 13 Nëntor 2015
Arbresh.info

Një projekt për përmirësimin e konkurrencës së produkteve të mishit në Kosovë, që është implementuar nga kompania për përpunimin e mishit “Apetiti” SHPK dhe është pjesë e Skemës së Granteve Rurale IPA 2012, do të përmbyllet sot me një ceremoni në Vushtrri.

Objektivi kryesor i këtij projekti është rritja e prodhimit dhe kapaciteteve procesuese të mishit të prodhuar vendor, si dhe forcimi i konkurrencës për produktet përfundimtare të mishit. Shuma totale e projektit është 629.497 euro, ndërsa kontributi i BE-së kap shumën e 435.000 eurove.

Ngjarja do të zhvillohet në Kompaninë “Apetiti” SHPK në Vushtrri, në orën 11:00, ndërsa do të marrin pjesë Bajram Mulaku, kryetar i komunë së Vushtrrisë, Xhafer Gashi, kryetar i komunës së Obiliqit, Daniela Topirceanu nga Zyra e BE-së në Kosovë /Përfaqësuesi Special i BE-së në Kosovë, si dhe përfaqësues nga Ministria e Bujqësisë, Pylltarisë dhe Zhvillimit Rural.

Shpërndaje në rrjete sociale

Lajmet më të lexuara

Të ngjashme

Foto lajm