Prokuroria në Prizren ka ngritur 187 aktakuza kundër 244 personave gjatë gushtit

12:01 | 9 Shtator 2024
E.H

Prokuroria Themelore në Prizren njofton se gjatë muajit gusht 2024, ka ngritur gjithsej 187 aktakuza kundër 244 personave, për raste të ndryshme penale.

Po ashtu, në Departamentin e Krimeve të Rënda, janë ngritur gjashtë aktakuza kundër gjashtë personave.

Departamenti i Përgjithshëm, i kësaj prokurorie gjatë muajit gusht, ka ngritur 170 aktakuza kundër 222 personave, për vepra të ndryshme penale.

Ndërsa, nga Departamenti për të Mitur, janë ngritur 11 propozime për shqiptimin e masave edukative, të diversitetit ose dënimeve, kundër 16 të miturve.

“Prokuroria Themelore në Prizren, mbetet e përkushtuar për luftimin e kriminalitetit, ngritjen e efikasitetit, transparencës dhe llogaridhënies”, thuhet në njoftim./Arbresh.info

Shpërndaje në rrjete sociale

Lajmet më të lexuara

Të ngjashme

Foto lajm