Prokuroria Speciale e Republikës së Kosovës njofton se ka ngritur aktakuzë në Gjykatën Themelore në Prishtinë – Departamentin Special, kundër 16 të pandehurve.
Sipas njoftimit, të pandehurit akuzohen për veprën penale “Organizimi i skemave piramidale dhe bixhozit të paligjshëm”, përcjell Arbresh.info.
“Sipas aktakuzës të pandehurit: I S.K, I.K, P.K, A. D, D.K, B.K, A.S, V.T, A.G, H. Xh, M. K, D.K, akuzohen se kanë kryer veprën penale: Organizimi i skemave piramidale dhe bixhozit të paligjshëm. Të pandehurit S. K dhe L. B akuzohen për kryerjen e veprës penale: Fajdeja në tentativë, në bashkëkryerje. I pandehuri L.B. akuzohet edhe për kryerjen e veprave penale: Detyrim dhe Mbajtja në pronësi, kontroll ose posedim të pa autorizuar të armëve. Gjithashtu, të pandehurit S.K. , E.G. dhe S.G. V. H. dhe L. K. akuzohen se kanë kryer veprën penale: Shpëlarja e parave. Ndërkaq, i pandehuri B.K. akuzohet se ka kryer edhe veprën penale: Mbajtja në pronësi, kontroll ose posedim të pa autorizuar të armëve”, thuhet në njoftim.
Tutje, bëhet e ditur se në këtë rast janë konfiskuar pajisje elektronike, para të gatshme dhe para në llogaritë bankare, tokë me sipërfaqe prej 1285 m2, shtëpi me sipërfaqe prej 306 m2, si dhe gjashtë banesa./Arbresh.info
Kryemadhi pas daljes nga gjykata: Më shqetëson prezenca me M...
Miratohet projektligji për ndarjen e mjeteve buxhetore për F...
Mungon Konjufca, Lekaj, Kadrijaj, Baftiu e Dërguti – dështon...
Miratohet vendimi për krijimin e komitetit për mbikëqyrjen e...
Geci pyetet për dallimet në mes LPK-së dhe LDK-së: Kundërsht...
Mbytet varka me emigrantë në Kanalin Anglez, dy të vdekur, s...