Google ADS

Zemaj: Sot numri i të shëruarve është më i madh se i të infektuarve

00:20 | 26 Qershor 2020
Trina Galanxhi

Ministri i Shëndetësisë, Armend Zemaj, e ka quajtur lajm të mirë njoftimin e IKSHPK-së se sot janë konfirmuar 75 pacientë të shëruar dhe 69 raste të reja me Covid-19.

Sipas tij, kjo tregon punën e jashtëzakonshme që po bëhet në Klinikën Infektive nga heronjtë e situatës që ndodhemi, njofton Klan Kosova.

“Krejt çka po bëjnë mjekët e infermierët dhe i gjithë stafi mjekësorë në këtë kohë, është që qytetarët të ndihen të sigurt. Andaj duhet që të gjithë të ruajmë qetësinë e ta ruajmë veten, familjarët e miqtë tanë. T’i ruajmë më të dashurit tanë duke i respektuar masat të rekomanduara nga IKSHPK-ja dhe M.Sh”.

“Mbi të gjitha duhet të kujdesemi për veten që ta vlerësojmë punën e madh që po e bën stafi mjekësor që nga fillimi i kësaj pandemie”.

“T’i bashkohemi atyre, të bëhemi edhe ne heronjtë. T’i respektojmë rekomandimet për parandalimin e shpërndarjes së virusi”.

Shpërndaje në rrjete sociale

Lajmet më të lexuara

Të ngjashme

Foto lajm