Vaksinimi kundër Covid-19, të enjten hapen pika në sheshin “Zahir Pajaziti”

15:32 | 9 Shkurt 2022
Përparim Bublaku

Të enjten do nis vaksinimi kundër Covid-19 në sheshin “Zahir Pajaziti” në Prishtinë, ka njoftuar ministria e Shëndetësisë së Kosovës.

Sipas njoftimit me rastin e fillimit të vaksinimit në këtë pikë shtesë, të pranishëm do të jenë Ministri i Shëndetësisë, Rifat Latifi, kryetari i Komunës së
Prishtinës, Përparim Rama si dhe përfaqësues nga UNICEF-i, USAID-i dhe kontribuues të tjerë në procesin e vaksinimit kundër COVID-19 në Kosovë.
Hapja zyrtare e kësaj pike të vaksinimit do të bëhet në ora 12:30, përcjellë arbresh.info.

Vaksinimi kundër COVID-19 në Prishtinë, përveç në QMF-7 në lagjen Kalabria (ish-Emshir), në Qendrën Tregtare “Albi Mall” dhe në sheshin “Zahir Pajaziti”, së shpejti do të fillojë edhe në një pikë tjetër të re në Kodrën e Trimave në Prishtinë (QMF-2).

Ministria e Shëndetësisë u bën thirrje qytetarëve që të shfrytëzojnë çdo mundësi dhe të vaksinohen kundër COVID-19./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm