Sipas dy studimeve të reja, vaksinat Covid-19 ofrojnë mbrojtje të konsiderueshme shtesë për njerëzit që tashmë janë infektuar.

Ilaqet kanë rezultuar efektive në mbrojtjen e atyre që nuk e kanë pasur asnjëherë koronavirusin, por efektiviteti i tyre në parandalimin e simptomave dhe rezultateve të rënda te njerëzit që kanë qenë të infektuar më parë, deri vonë ka qenë më pak i qartë, transmeton portal arbresh.info

Tani dy pjesë të veçanta të hulumtimit, të publikuara në revistën Lancet Infectious Diseases, konfirmojnë se vaksinat Covid-19 ofrojnë mbrojtje shtesë për njerëzit që tashmë janë infektuar me Sars-CoV-2 – veçanërisht kundër sëmundjeve të rënda.

Studimi i parë i kryer në Brazil, gjeti se katër vaksinat, CoronaVac, Oxford/AstraZeneca, Janssen dhe Pfizer/BioNTech, ofrojnë mbrojtje shtesë kundër riinfeksionit simptiomatik dhe parandalojnë shtrimin në spital.

Studimi i dytë, nga Suedia, zbuloi se vaksinimi kundër Covid-19 ofronte mbrojtje shtesë për ata që kishin pasur Covid më parë, për të paktën nëntë muaj.

Së bashku, studimet ofrojnë të dhëna thelbësore për efektivitetin e vaksinës tek njerëzit me një infeksion të mëparshëm dhe nënvizojnë përfitimet e vaksinimit, pavarësisht nëse dikush ka pasur Covid. Ekspertët thonë se gjetjet mund të ndihmojnë gjithashtu në informimin e strategjive globale të vaksinave.

“Vaksinat e Covid-19 janë vërtetuar të jenë shumë efektive në parandalimin e infeksionit simptomatik dhe shtrimin në spital midis atyre pa infeksion të mëparshëm, por efektiviteti për ata me infeksion të mëparshëm është më pak i qartë,” tha autori i studimit të parë, Julio Croda, i Universidade Federal. de Mato Grosso do Sul.

Studimi suedez, në të cilën u përfshinë 3 milionë njerëz, zbuloi se një dozë e vaksinës uli rrezikun e infeksionit me 58 përqind dy muaj pas administrimit. Dy doza të vaksinës ulën rrezikun e infektimit me 66%.

Autorët pranuan kufizimet me të dy studimet, duke përfshirë rrezikun e paragjykimit për shkak të natyrës vëzhguese të hulumtimit. Për më tepër, asnjë studim nuk përfshinte një analizë të riinfeksionit nga variantet Omicron./guardian/arbresh.info/