Një vështrim në disa nga projektet e vaksinave Covid-19:

Moderna / Instituti Kombëtar i Shëndetit. Kompania filloi testimet në Mars për fazën e parë të hulumtimeve klinike, me rezultate premtuese.

Në fund të korrikut, Moderna filloi fazën e tretë të hulumtimeve klinike të vaksinës.

Në fund të gushtit, zyrtarë të kompanisë thanë që të dhënat preliminare treguan rezultate premtuese për një përgjigje imune.

Kompania shpalli në fund të Tetorit se kishte përfunduar rekrutimin e 30,000 pjesëmarrësve për hulumtimet e fazës së tretë. Kjo përfshinte më shumë se 7,000 njerëz të moshës mbi 65-vjeçare dhe më shumë se 5,000 njerëz më të rinj me sëmundje kronike.

Në mes të nëntorit, zyrtarët e Modernas raportuan që vaksina e tyre kishte arritur efikasitet 94% në rezultatet e fazave fillestare të hulumtimit. Ekspertët than që më shumë testime dhe më shumë informacione nevojiten.

Me 30 nëntor, zyrtarët e Modernas thanë që do të aplikojnë në FDA për aprovimin e vaksinës për përdorim emergjent.

Me 18 dhjetor, FDA i dhuroj autorizim vaksinës Moderna për përdorim emergjent. Tre ditë më vonë kompania filloi shpërndarjen.

Pfizer/BioNTech/Fosun Pharma. Krijuesi i barnave Pfizer bashkëpunuan me kompaninë gjermane BioNTech dhe krijuesin kinez të barnave Fosun Pharma për të zhvilluar një vaksinë.

Në mes të gushtit, zyrtarët e kompanisë than që vaksina ka prodhuar një përgjigje të fuqishme në fazat e hulumtimeve klinike.

Kompania nisi fazën e tretë të hulumtimeve në fund të korrikut, me qëllim të përfshirjes së 30,000 njerëz nga Sh.B.A, Brazili, Argjentina dhe Gjermania. Më vonë deklaruan se do të rrisin numrin në 44,000 njerëz.

Më 9 nëntor, kompania shpalli që vaksina ishte më shumë se 90% efektive në pjesëmarrësit e hulumtimeve klinike.

Disa ditë më vonë, zyrtarët e kompanisë shpallën se do të aplikonin në FDA për autorizim për përdorim emergjent të vaksinës. Ishte aprovimi i parë rregullator në Sh.B.A për një vaksinë Covid-19.

Më 8 dhjetor, FDA lëshoi dokumente që raportonin vaksinën Pfizer se ofronte një mbrojtje gjatë dozës së parë dhe gati mbrojtje të plotë pas dozës së dytë.

Me 11 dhjetor, FDA i dhuroj leje vaksinës Pfizer. Kompania filloi shpërndarjen dy ditë më vonë.

Inovio. Inovio ishte duke punuar në një vaksinë ADN për MERS, që u shkaktua nga një coronavirus tjetër. Kjo lejoi kompaninë që shpejtë të zhvilloj një vaksinë potenciale Covid-19.

Zyrtarët e kompanisë deklaruan në fund të prillit që kishin 40 vullnetarë të shëndetshëm për fazën e parë të hulumtimeve klinike. Në fund të shtatorit, kompania deklaroi se faza e dytë e hulumtimit është ndërprerë në pritje të përgjigjes nga FDA për pyetje rreth studimeve.

Sanofi/Translate Bio. Krijuesi i barnave Sanofi shpalli në shkurt që do të punonte me Translate Bio për të zhvilluar një vaksinë. Testimi pre-klinik tregoi që vaksina mund të nxjerr një përgjigje të fortë imune në minjë dhe majmunë. Kompania pret rezultatet nga faza e dytë e hulumtimit në fillim të dhjetorit. Pas kësaj do të fillojnë me fazën e tretë të hulumtimit.

CanSino Biologics. Shkencëtarët në kompaninë kineze po punojnë për një vaksinë potenciale që përdor një adenovirus që njihet si Ad5 për të bartur proteinat e coronavirusit në qeliza.

Në korrik, ata raportuan që pjesëmarrësit në fazën e dytë të hulumtimit treguan një përgjigje të fortë imune kur u është dhënë vaksina. Sidoqoftë, ata vërejtën që të rriturit kanë një përgjigje më të dobët, duke sugjeruar që mund të nevojiten dy doza për këtë pjesë të popullatës.

Ushtria kineze aprovoi vaksinën në qershor, duke lejuar t’u jepet vaksina forcave të armatosura. Në gusht, kompania filloi fazën e tretë të hulumtimeve në Pakistan, Arabinë Saudite dhe Rusi.

Gamaleya Research Institute. Ky institut rus zhvilloi një vaksinë që përfshinë dy adenovirus, Ad5 dhe Ad26.

Në gusht, Presidenti Vladimir Putin shpalli që agjencia rregullatorë e shtetit ka aprovuar vaksinën, edhe para fillimit të fazës së tretë të hulumtimeve.

Rezultatet e hulumtimeve gjetën që vaksina nxjerri një përgjigje imune me efekte anësore të lehta. Hulumtime të fazës së tretë janë duke u zhvilluar në Rusi, Bjellorusi, Shtetet e Bashkuara të Emirateve dhe Indi.

Johnson & Johnson. Krijuesi Johnson & Johnson shpalli në fund të korrikut që kishte filluar hulumtimet klinike në njerëz për vaksinën me adenovirus e cila kishte treguar rezultate të mira kur u përdor në majmunë.

Në fund të shtatorit, kompania shpalli që po fillonte fazën e tretë të hulumtimeve për vaksinën një-doze me 60,000 pjesëmarrës. Në mes të tetorit kompania shpalli që do të ndërpres hulumtimit për shkak të një “sëmundje të pashpjegueshme” në një pjesëmarrës.

Në fund të janarit, zyrtarët e kompanisë shpallën që vaksina ka 66% efikasitet mesatare dhe më shumë se 50% efikasitet kundër varianteve të reja.

AstraZeneca/University of Oxford. Faza e parë e hulumtimeve klinike filloi në  Prill në Universitetin e Oksfordid. Vaksina është e bazuar në një adenovirus të shimpanzesë, e cila dërgon proteinat e coronavirusit në qeliza.

Në gusht, AstraZeneca filloi fazën e tretë të hulumtimeve në Brazil, Afrikën Jugore dhe Sh.B.A. Këto hulumtime u ndërprenë në shtator kur një vullnetar i studimit zhvilloi një çrregullim inflamator të quajtur transverse myelitis. Hulumtimet u rifilluan një javë më vonë në Brazil dhe Mbretëri të Bashkuar. Në fund të tetorit, FDA autorizoi hulumtimin në Sh.B.A të rifilloi.

Në mes të nëntorit, zyrtarë të kompanisë thanë se vaksina ka prodhuar një përgjigje të fortë imune në një hulumtim klinik që përfshinte personat e moshës mbi 70-vjeçare.

Të dhënat e lëshuara më 8 dhjetor tregojnë që vaksina është e sigurt por vetëm rreth 70% efektive.

Në fillim të shkurtit, zyrtarët e kompanisë shpallën se rezultatet e fazës së tretë të hulumtimit treguan se vaksina ishte 82% efektive pas 12 javëve. Ata shtuan se vaksina ishte 100% efektive në parandalimin e sëmundjes së rëndë, shtrirjes në spital dhe vdekjes. Ata gjithashtu shënuan që vaksina ka arritur deri 67% efikasitet në parandalimin e shpërndarjes së sëmundjes.

Sanofi/GSK/TranslateBio. Krijuesi i barnave Sanofi është duke punuar për dy vaksina. Kompania është duke punuar me GSK për një vaksinë të bazuar në proteina nga coronavirusi. Të kombinuara me një përbërës tjetër, të quajtur ndihmës, proteinat nxisin një përgjigje imune. Ata po presin rezultatet nga faza e dytë e hulumtimeve klinike të kryera në dhjetor, pas të cilës do të fillojnë fazën e tretë.

Novavax. Kompania ka marrë deri në 388 milion dollar financim këtë pranverë nga Koalicioni për Inovacione të Gatishmërisë Epidemike, një grup që ka financuar zhvillimin e vaksinave Covid-19. Vaksina është bërë duke bashkangjitur proteinat e virusit në thërrmija mikroskopike.

Në gusht, Novavax nisi fazën e dytë të hulumtimeve në Afrikën e Jugut. Një muaj më vonë, kompania filloi fazën e tretë të hulumtimit në Mbretërinë e Bashkuar. Planifikon të filloj një fazë të tretë të hulumtimeve në Sh.B.A.

Në fund të janarit, zyrtarë të kompanisë shpallën se vaksina ishte 90% efektive në përgjithësi dhe 60% efektive kundër variantit të Afrikës Jugore.

University of Queensland in Australia/CSL. Hulumtuesit në universitet zhvilluan një vaksinë duke rritur proteinat virale në kultura qelizore. Ata filluan fazën e testimit pre-klinik në prill. Faza e parë e hulumtimit në njerëz filloi në Korrik. Një fazë e dytë pritet të filloj më vonë.

Wuhan Institute of Biological Products/Sinopharm. Kompania kineze Sinopharm është duke testuar një vaksinë me virus joaktiv të zhvilluar nga Instituti Wuhan i Produkteve Biologjike. Pas një faze të parë të suksesshme, hulumtuesit filluan fazën e tretë të hulumtimeve në UAE në korrik dhe një muaj më vonë në Peru dhe Maroko.

Beijing Institute of Biological Products/Sinopharm. Sinofarm po teston një vaksinë të dytë me virus joaktiv të zhvilluar nga Instituti Beijing i Produkteve Biologjike.

Hulumtimet e fazës tre filluan në qershor në UAE dhe në shtator në Argjentinë. Në shtator, UAE aprovoi vaksinën për përdorim në punëtorët shëndetësorë edhe para përfundimit të hulumtimit.

Sinovac Biotech. Kjo kompani kineze nisi fazën e tretë të hulumtimeve të vaksinës me virus joaktiv në Brazil në korrik, Indonezi në gusht dhe Turki në shtator. Në gusht, qeveria kineze lëshoi një aprovim emergjent për vaksinë për përdorim në grupet me rrezik të lartë.

Bharat Biotech/Indian Council of Medical Research/Indian National Institute of Virology. Kompania Bharat shpalli në fund të tetorit që po fillonte fazën e tretë të hulumtimeve klinike të vaksinës me virus joaktiv./arbresh.info/