Ekziston një probabilitet shumë i ulët që një grua shtatzënë e infektuar me koronavirus t’ia transmetojë sëmundjen foshnjës së saj, veçanërisht nëse ajo ka zhvilluar një formë më të lehtë të sëmundjes së Covid 19, tregoi një studim i publikuar së fundmi.
Studimi ka rëndësi të madhe sepse është një nga studimet e para që ngre çështjen e transmetimit të koronavirusit gjatë shtatzënisë, transmeton portal arbresh.info
Është një meta-analizë, në të cilën janë mbledhur të dhëna nga disa qindra hulumtime tashmë ekzistuese, e cila mundëson nxjerrjen e përfundimeve të sigurta.
Sipas shkencëtarëve, është e pamundur që një grua shtatzënë të transmetojë sëmundjen te foshnja. Kur nëna është pozitive me koronavirus, rreth 2% e foshnjave janë pozitive disa ditë pas lindjes.
Por ky numër fsheh variacione të mundshme që varen nga rrethanat. Foshnjat ka gjasa të infektohen vetëm nëse nëna shfaq forma të rënda të sëmundjes, veçanërisht në rastin e shtrimit në spital.
“Ndarja e nënës nga fëmija menjëherë pas lindjes është veçanërisht e papërshtatshme”, thonë ekspertët.
Shkencëtarët kanë bërë thirrje që nënat të tregojnë kujdes dhe të shmangin masat e veçanta kur bëhet fjalë vetëm për një rezultat pozitiv në testimin e koronavirusit.
Studimi tregoi gjithashtu se nuk ekziston rreziku i transmetimit të virusit përmes ushqyerjes me gji, gjë që bëri që autorët të rekomandojnë shmangien e përdorimit sistematik të ushqimeve artificiale për të sapolindurit./arbresh.info/
LDK: Pushteti aktual po tregon paaftësi të thellë dhe dështi...
Lansohet projekti GENESIS, mbështetur nga Ministria për Evro...
Skandali i Shërbimeve Postare Diplomatike, reagojnë nga MPJD
Osmani takohet me Hovenier, flasin për zhvillimet e fundit n...
Kurti takohet me Guerotin, temë diskutimi ishte bashkërendim...
Shqipëri, shtohen problemet e shëndetit mendor tek të rinjtë