Sipas shkencëtarëve në Britani të Madhe, fushata e vaksinimit kundër koronavirusit mund të zgjasë në vitet e ardhshme.

Ka shumë të ngjarë që mbrojtja e siguruar nga virusi kundër infeksionit të jetë e dobët, madje edhe nga format potencialisht të rënda të sëmundjes Covid-19, transmeton portal arbresh.info
Sikurse thuhet në përfundimet nda dokumentat e publikuara nga SAGE (Grupi Këshillimor Shkencor për Emergjencat), ka shumë të ngjarë që imuniteti ndaj SARS-CoV2 i krijuar nga vaksina të dobësohet me kalimin e kohës, edhe për një formë potencialisht të rëndë të sëmundjes, por ndoshta në një masë më të vogël.

Një dokument i quajtur “Sa kohë do të mbrojnë vaksinat kundër COVID-19” u përpilua nga virologë dhe epidemiologë të shquar nga disa institucione: Kolegji Mbretëror i Londrës, Universiteti i Birminghamit dhe Instituti i Shëndetit Publik të Anglisë.

Të dhënat aktuale tregojnë se vaksinat mbrojnë 95 përqind ose më shumë të variantit alfa që dominoi Britaninë në fillim të vitit 2021, thonë shkencëtarët, por aftësia e vaksinës për të mbrojtur kundër infeksionit dhe transmetimit te njerëzit e tjerë është më e ulët.

Në një raport të përpiluar për qeverinë britanike nga muaji korrik, shkencëtarët thonë se ekziston një “mundësi reale” që të shfaqen edhe lloje të reja të infeksionit që do të shkaktojnë sëmundje serioze.

Shfaqja e këtyre llojeve të reja të virusit mund të nxitet nga kontrolle dhe mbyllje të kufijve që më pas do të përcillen me pasoja negative për ekonominë në botë.

Sipas raportimeve të fundit, lloji i koronavirusit i quajtur “Delta” ka filluar tashmë të përhapet nëpër shumë vende të botës./arbresh.info/