SHBA do tu dhurojë vendeve tjera 60 milionë doza të vaksinës AstraZeneca

20:41 | 26 Prill 2021
V. S.

Presidenti amerikan, Joe Biden kishte deklaruar ditë më parë se do të ndihmojë vendet e varfra në luftën kundër pandemisë.

I pari i Shteteve të Bashkuara kishte thënë se sapo të ketë vaksina të mjaftueshme në disponim, ato do t’i ndajë me vendet tjera.

Së fundi, këshilltari i Shtëpisë së Bardhë, Andy Slavitt ka deklaruar se SHBA-të do të shpërndajnë për vendet tjera 60 milionë doza të vaksinës AstraZeneca.

Slavitt pohon se aktualisht për momentin shteti amerikan nuk i ka dozat dhe se po punon për sigurimin e tyre.

Ndryshe, Biden i kishte konfirmuar presidentes së Kosovës, Vjosa Osmanit se do ta ndihmojë vendin tonë me vaksinat kundër coronavirusit./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm