Google ADS

Rast i çuditshëm në Prizren: Ritestohet për herë të katërt, por nuk del negativ nga Covid-19

00:20 | 28 Maj 2020
Trina Galanxhi

Prizreni vazhdon të mbetet komuna me më së shumti raste aktive me coronavirus.

Drejtori i Shëndetësisë në këtë komunë Visar Shehu ka thënë për RTV Dukagjinin se është pozitive që prej dy ditësh nuk janë paraqitur raste të reja, përcjell Telegrafi.

Shehu thotë se në këtë komunë rastet aktive janë të moshave të ndryshme, por sipas tij një rast është më i veçantë nga të tjerët.

“Është një rast që për herë të katërt ristestohet dhe ende nuk del negativ. Ky rast është për çudi. Është fjalë për një paciente që ka marrë shërbime në Repartin e Hemodializës. Kjo paciente është ndër të parat që kanë dalë të prekura me COVID-19 nga ky repart por të tjerët tashmë janë shëruar”.

Drejtori i Shëndetësisë në Prizren thotë se janë rreth 1,000 kontakte që pritet të testohen ditëve në vijim.

Ai thotë se në bazë të vendimeve të institucioneve në vet izolim janë vetëm të konfirmuarit me COVID-19 dhe familjarëve e tyre.

 

Shpërndaje në rrjete sociale

Lajmet më të lexuara

Të ngjashme

Foto lajm