Prishtina dhe Vushtrria me nga 18 raste të reja me koronavirus

21:17 | 13 Qershor 2020
A. B.

Instituti Kombëtar i Shëndetësisë Publike të Kosovës, ka bërë të ditur se sonte janë konfirmuar 53 raste të reja, pozitive me COVID-19, ndërsa më së shumti raste pozitive kanë rezultuar në Vushtrri, Prishtinë dhe Istog.

Sipas njoftimit të IKSHPK-së, sot janë testuar gjithsej 313 mostra të marra nga Klinika Infektive dhe gjurmimi i kontakteve të rasteve në terren, nga të cilat me SARS-CoV-2, prej të cilave 53 ishin pozitive, ndërsa shtatë persona rezultuan të shëruar.

Rastet pozitive janë nga: komuna e Vushtrrisë 18 raste (sipas vendbanimit: 11 raste Stanovc i epërm, 4 raste Vushtrri, 1 rast Gllavotin, 1 rast Maxhunaj dhe 1 rast Dumnicë e poshtme), komuna e Prishtinës 18 raste (sipas vendbanimit: 18 raste Prishtinë), komuna e Istogut 11 raste (sipas vendbanimit: 11 raste Shushicë), komuna e Rahovecit 3 raste (sipas vendbanimit: 3 raste) dhe me nga 1 rast vendbanimet: Fushë Kosovë, Skifteraj-Viti dhe Pejë. /arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm