Google ADS

Presidenti Trump jep lajmin e mirë për vaksinat

14:55 | 15 Korrik 2020
A. B.

Presidenti i Shteteve të Bashkuara, Donald Trump, kohëve të fundit ka shprehur optimizmin e tij se SHBA-ja do të dalë së shpejti me një vaksinë kundër Covid-19.

E para pak çastesh përmes një postimi në Twitter, Trump dha një lajm të mirë për të gjithë, shkruan portali arbresh.info

Edhe pse nuk tha shumë në detaje, ai paralajmëroi lajm të shkëlqyeshëm.

“Lajm i shkëlqyeshëm për vaksinat”, shkroi presidenti.

Kujtojmë se, SHBA-të kanë numrin më të madh të të infektuarve dhe viktimave me koronavirus: mbi 2.7 milionë, përkatësisht mbi 128,000.

Sipas të dhënave të Universitetit Johns Hopkins, në gjithë botën janë infektuar mbi 10.7 milionë njerëz.

Prej tyre, mbi 517,000 kanë vdekur dhe mbi 5.5 milionë janë shëruar.

Javën e kaluar, kreu i Organizatës Botërore të Shëndetësisë, Tedros Adhanom Ghebreyesus, ka thënë se nuk ka garanci se shkencëtarët do të mund të zbulojnë një vaksinë efektive kundër COVID-19, sëmundjes që e shkakton coronavirusi. / arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm