Pompeo kritikon Afrikën e Jugut që pranoi mjekët kubanë

10:58 | 30 Prill 2020
Arbresh.info

Sekretari amerikan i Shtetit Mike Pompeo ka kritikuar Afrikën e Jugut për pranimin e më shumë se 200 mjekëve kubanë për të ndihmuar në luftën kundër virusit.

Pompeo akuzoi Kubën se po përfiton nga pandemia, raporton agjencia e lajmeve AFP, transmeton portali arbresh.info.

“Ne i duartrokasim liderët në Brazil dhe në Ekuador dhe Bolivi dhe vendet e tjera që kanë refuzuar të bëjnë një sy të verbër ndaj këtyre abuzimeve nga regjimi kuban”, tha Pompeo.

“Dhe [ne] i kërkojmë të gjitha vendeve të bëjnë të njëjtën gjë, përfshirë vendet si Afrika e Jugut dhe Katar”.

Ekipi i mjekëve kubanë mbërriti në vendin afrikan të Dielën natën. Ato përfshijnë mjekë të familjes, epidemiologë, ekspertë të bioteknologjisë dhe inxhinierë të teknologjisë së kujdesit shëndetësor.

Presidenti kuban Miguel Diaz-Canel reagoi ndaj Pompeo duke shkruar: “Shtetet e Bashkuara gënjejnë qëllimisht kur sulmojnë bashkëpunimin ndërkombëtar mjekësor të Kubës me gënjeshtra dhe shpifje”./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm