Në Klinikën Gjinekologjike po trajtohen 11 gra shtatzëna të prekura me COVID-19

00:45 | 14 Shkurt 2022
Trina Galanxhi

Në Klinikë Obstetrike Gjinekologjike nga COVID-19 janë duke u trajtuar 11 gra gjendja e të cilave është stabile.

Kështu ka bërë të ditur Drejtori i Klinikës së Gjinekologjisë në Prishtinë, Jakup Ismajli.

Në një përgjigje me shkrim për 21media, ka thënë se asnjëra nga të hospitalizuarat nuk është në gjendje të rëndë.

“Shtatzënat duhet të kontrollohen te gjinekologu. Format e lehta trajtohen veq me terapi vitamina dhe paracetamol”, ka thënë Ismajli.

Ky i fundit ka treguar se gratë shtatzëna të prekura me COVID-19 duhet t’i bëjnë disa analiza rutinore si hemogrami, CRP, D-Dimeri.

Ndërkohë, Shërbimi Spitalor Klinik dhe Universitar i Kosovës ka njohur se 172 pacientë janë të spitalizuar dhe janë duke u trajtuar nëpër spitale dhe në QKUK.

Sipas ShKUK-së, 127 pacientë janë me oksigjeno-terapi dhe 9 në mjekim intensiv./21media/

Shpërndaje në rrjete sociale

Lajmet më të lexuara

Të ngjashme

Foto lajm