Mel Gibson flet për betejën kundër Covid-19

08:18 | 6 Mars 2021
Trina Galanxhi

Aktori i njohur Mel Gibson ka folur hapur për betejën e tij me koronavirus, pasi ishte infektuar gjatë vitit të kaluar.

“Ndjeheni shumë të brishtë për një kohë”, tha Gibson, 65 vjeç në një intervistë, transmeton portal arbresh.info

“Megjithatë, e kalova pa pasur nevojë për oksigjen shtesë”, tha ai.

Aktori i cili u trajtua për koronavirusi gjatë prillit të vitit të kaluar në një spital në Los Angeles, e përshkroi koronavirusin si “gjëja më e çuditshme”.

“Nuk është aspak natyrale, nuk është si asnjë sëmundje që kam pasur më parë”, tha ai.

Megjithatë, ylli i filmit Braveheart tha se ai tani është mirë dhe me shaka tha se ‘tani mund të shkoj në banjo pa ndihmën e askujt’.

Lajmi për shtrimin në spital të Gibson për shkak të koronavirusit, u raportua për herë të parë në korrik nga gazeta Australiane e lajmeve The Daily Telegraph./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm