Që në ditët e para të pandemisë, ka pasur debate të mëdha rreth asaj se sa efektive është mbajtja e maskës dhe se a na shpëton jetën ajo.

Një studim i fundit i kryer nga Universiteti Amerikan i Vanderbilt, gjeti se shteti i Tennesee, që nuk e bëri të obligueshëm mbajtjen e maskës, regjistroi të paktën dy herë më shumë nivele të vdekshmërisë, në krahasim me ato vende që e kishin mbajtjen e maskës obligative, transmeton portal arbresh.info

Aktualisht, në zonat pa detyrimin për të mbajtur maska, më shumë se katër vdekje për 100,000 njerëz regjistrohen çdo javë, ndërsa në zonat që kanë miratuar detyrimin gjatë verës, niveli i vdekjeve është rreth dy persona në javë.

Në rrethet që miratuan herët veshjen e detyrueshme të maskave edhe para kulmit të epidemisë në korrik dhe gusht, shkalla e vdekjes është më afër një personi për 100,000 njerëz në javë.

Nju Jorku vendos masa si shans të fundit kundër valës së re të koronavirusit

Studiuesit thonë se lajmi i mirë është se se më shumë se 80 përqind e banorëve të atij vendi deklarojnë se mbajnë maska që nga ky muaj, gjë që tregohet nga të dhënat nga Universiteti Carnegie Mellon. Kjo tregon se shumica e njerëzve ende i kuptuan përfitimet e mbajtjes së maskave, pavarësisht nga fakti që Guvernatori Bill Lee vazhdoi të hidhte poshtë idenë e futjes së një detyrimi në të gjithë shtetin.

“Individët mund të mos e kuptojnë rrezikun e ekspozimit ndaj miqve dhe familjes dhe mund të humbasin vëmendjen e tyre në situata kur takohen në grupe të vogla njerëzish dhe me kontakte të ngushta”, thanë studiuesit.

“Rregulloret e maskave janë një shenjë e udhëheqjes së vërtetë që dërgon një sinjal të qartë se sjellja duhet të ndryshojë në mënyrë që të zbutet përhapja e virusit,” përfunduan ata./arbresh.info/