Zëvendës Ministri i Shëndetësisë në Mbretërinë e Bashkuar i ngarkuar për vaksinimin, Nadim Zahavi, deklaroi se shkencëtarët britanikë numëruan rreth katër mijë mutacione të koronavirusit në botë.

“Të gjithë prodhuesit – ‘Pfizer’ / ‘BioNTech’, ‘Modern’, ‘Oxford’ / ‘Astra Zeneca’ dhe të tjerët – po studiojnë sesi të përmirësojnë vaksinën e tyre për t’u siguruar që janë gati për të gjitha variantet, përderisa aktualisht kemi rreth 4 mijë mutacione të Covid-19”, tha ai, transmeton portal arbresh.info

Më herët, specialisti kryesor i Qendrës së Kërkimit Shkencor për Epidemiologji dhe Mikrobiologji “Gamaleja”, Fjodor Lisitsin, deklaroi se mutacionet ekzistuese të koronavirusit nuk kanë ndikim në efektivitetin e vaksinës ruse.

Në të njejtën kohë, shkencëtarët amerikanë nga Fakulteti Mjekësor i Universitetit të Pittsburgh zbuluan se llojet e reja të virusit corona, falë mutacioneve gjenetike, mundësojnë që SARS-CoV-2 të shmangë një përgjigje imune.

Në procesin e evulocionit, koronavirusi ka zhvilluar një grup të madh mutacionesh, njëri prej të cilëve është i aftë të heqë fragmente të vogla të sekuencës së tij gjenetike, duke shmangur kështu një përgjigje imune. Shkencëtarët e kanë quajtur këtë proces një fshirje, shkruan Science.

Të rinjtë po përhapin më së shumti koronavirusin, thotë studimi

Studiuesit zbuluan se falë fshirjes, virusi mund të ndryshojë formën pa humbur aftësinë për të depërtuar në qeliza dhe për të bërë kopje. Kështu, u zbulua se fshirjet ndodhin në pjesën e sekuencës që kodifikon formën e proteinës së theksuar në të cilën drejtohet veprimi neutralizues i antitrupave. Si rezultat, antitrupat nuk mund ta kapin virusin dhe ai vazhdon të infektojë qelizat.

Gjatë kësaj kohe të gjatë për virusin dhe sistemin imunitar, SARS-CoV-2 ka kaluar një rrugë të gjatë evolucionare në trupin e pacientit, e cila ka çuar në akumulimin e mutacioneve të rrezikshme në gjenomin e tij.

Studiuesit kanë vërejtur se këto llojë të virusit bëjnë pjesë në ato që quhen virusi britanik dhe ai afrikano-jugor.

Ekspertët besojnë se shkencëtarët herët a vonë do të duhet të fillojnë të krijojnë vaksina të reja për të neutralizuar mutacionet e reja./arbresh.info/