Kryeqyteti vazhdon të prijë për nga numri i të infektuarve dhe rastet aktive në vend. Megjithatë, numri i të interesuarve për vaksinim ka rënë dukshëm. Autoritetet shëndetësore të komunës bëjnë thirrje që sa më parë të nis dhënia e dozës së 4-të për stafin shëndetësor.
Numri i të infektuarve me Covid-19, në javët e fundit, është rritur ndjeshëm e ky numër mund të rritet edhe më shumë në ditët në vijim. Kjo duke marr parasysh se gjatë verës ka më shumë hyrje-dalje, vinë mërgimtarët e Prishtina do të jetë nikoqire e shumë aktiviteteve që tërheqin shumë të huaj. E kjo ka bërë që institucionet të bëjnë thirrje për kujdes dhe paralajmërojnë masa.
Drejtor i Shëndetësisë në Komunën e Prishtinës, Izet Sadiku, thotë se nëse do të ketë nevojë, në Prishtinë do të shtohet i numrit të qendrave për testim dhe vaksinim.
Kërkesat për tu testuar, për COVID-19, janë rritur kohëve të fundit, ndërsa për vaksinim kërkesat janë shumë të vogla.
“Numri i të vaksinuarve vazhdon të jetë i vogël, sidomos dy muajt e fundit. Ne mendojmë se duhet me e bë një fushatë sensibilizimi edhe më i madhe”, thotë Sadiku ndërkohë që kërkon që punëtorëve shëndetësor tu mundësohet sa më shpejtë vaksinimi me dozën e katërt, sepse ata kanë mbi 6 muaj që janë vaksinua me dozën e tretë.
Mungesa e stafit shëndetësor, sipas drejtorit, është një nga sfidat më të kryesore që ka shëndetësia në Prishtinë./rtk/
Vendosen postera provokues për Policinë e Kosovës dhe Vetëve...
Nënshkruhen dy marrëveshje të grantit për energji efiçiente ...
Përfaqësuesi i Policisë së Kosovës merr pjesë në garat evrop...
Shqipëri/ Dhuna para Kuvendit, nën hetim 7 deputetë demokrat...
Rreziku nga përmbytjet në Shkodër, mblidhet Komisioni i Mbro...
Suhareka do bëhet me stadium të ri, komuna ndanë 13 hektarë ...