Kërkimet mbi Covid së fundmi janë zhvilluar edhe me idenë e ndikimit të saj në mirëqenien psikologjike.

Universiteti Bar- llan në Izrael ka zbuluar një korrelacion mes të dhënave fizologjike të mbledhura para pandemisë dhe frikës së shtuar të lidhur me Covid, veçanërisht midis individëve me familje mesatare deri në më të mëdha, transmeton portal arbresh.info

Frika e lidhur me COVID-in ishte gjithashtu më e lartë tek gratë krahasuar me burrat dhe tek individët që raportuan një rënie të statusit financiar gjatë pandemisë.

Njëqind e tetëdhjetë e pesë të rritur që morën pjesë në studim plotësuan një pyetësor i cili përfshinte tre pyetje në lidhje me frikën dhe shqetësimet për aspekte të ndryshme të pandemisë: bartja e virusit pa e ditur, infektimi i të tjerëve me virusin dhe anëtarët e familjes që kontraktonin virusin. Sondazhi u zhvillua gjatë bllokimit të parë në Izrael në mesin e vitit 2020.

Studimi izraelit gjeti se familjet e mëdha përjetuan më shumë ankth gjatë pandemisë, nga frika e infektimit dhe frika për izolim.

Studimi gjeti se gratë përjetuan nivele më të larta të ankthit në krahasim me burrat, duke theksuar kështu gratë kanë raportuar nivele më të larta të stresit, ankthit dhe simptomave post-traumatike.

Sipas studiuesve, një shpjegim për këto dallime gjinore që mund të jenë veçanërisht të rëndësishme për pandeminë është se gratë shpesh shfaqnin një tendencë në rritje për të monitoruar situatat stresuese, duke çuar ndoshta në rritjen e perceptimit të kërcënimit dhe shqetësimit të mëvonshëm.

Në fund, ndikim të madh ka luajtur edhe përkeqësimi i gjendjes financiare gjatë pandemisë.

Ndërsa ndikimi masiv ekonomik i pandemisë mund të ketë implikime të rënda në shëndetin mendor, gjetjet e studimit tregojnë se vështirësitë financiare shoqërohen gjithashtu me frikën e lidhur me shëndetin, duke kaluar kështu përtej jetesës dhe të ardhurave./arbresh.info/