Njerëzit zemra e të cilëve mund të pësojë sulm, ndërkohë që edhe janë të sëmurë me Covid-19, nuk ka gjasa që të dalin gjallë nga spitali, thotë një studim amerikan.

Nga 54 pacientë në një spital në Michigan që pësuan arrest kardiak ndërsa luftonin me Covid-19, asnjë nuk ia doli të mbijetonte, edhe pse 29 u ringjallën nga reanimacioni kardiopulmonar (CPR), raportuan studiuesit.

“Nuk mendoj se një sulm në zemër është gjithmonë fatal për të sëmurët me Covid-19, por mendoj se mund të themi në këtë mjedis të arrestit kardiak dhe Covid-19 shanset e reanimimit kardiak të funksionojnë janë shumë, shumë të ulëta”, tha Dr. J. Randall Curtis, profesor i pulmonologjisë në Universitetin e Uashingtonit në Seattle.

Para studimit, mjekët kishin dyshuar se gjatë trajtimit të koronavirusit do të ishte shumë e vështirë që të prekej edhe zemra.

Megjithatë, kjo ndodh te ata që kanë muskujt e zemrës të dobët, pasi Covid-19 është një sëmundje që prek më shumë mushkëritë.

Për shkak të sëmundjes së mushkërive dhe mungeses së frymarrjes gjatë koronavirusit, shumë pacientë mund të pësojnë sulm në zemër, thuhet në studim.

Këto rezultate, të cilat u botuan në internet më 28 Shtator në JAMA Medicine Medicine, nxjerrin në pah nevojën që mjekët të bëjnë diskutime të sinqerta me pacientë të sëmurë rëndë Covid-19 në lidhje me dëshirat e tyre në lidhje me ringjalljen, vuri në dukje ai. Curtis është bashkëautor i një komenti që shoqëron letrën kërkimore./arbresh.info/