Lufta për të zhvilluar një vaksinë kundër koronavirusit ka qenë çështje jete a vdekjeje.
Një studim i fundit zbuloi se vetëm në vitin 2021, të paktën 20 milionë jetë njerëzish u shpëtuan nga vaksinat dhe studiuesit në Airfinity, një kompani e të dhënave të shkencave të jetës, përdorën këto shifra së bashku me të dhënat se cilat vaksina u administruan më gjerësisht në çdo vend për të llogaritur se cila vaksinë parandaloi më së shumti vdekje, sipas një raporti të revistës autoritative britanike Economist që citon noa.al.
Airfinity zbuloi se 12 milionë ose më shumë se gjysma e jetëve të shpëtuara në mbarë botën mund t’i atribuohen vetëm dy vaksinave, të cilat ndanë vendin e parë: AstraZeneca-Oxford dhe Pfizer-BioNTech.
AstraZeneca renditet e para. Ajo ka shpëtuar 6.3 milionë jetë dhe Pfizer/BioNTech, e dyta, ajo ka shpëtuar 5.9 milionë jetë.
Në vendin e tretë ishte vaksina kineze Sinovac (nganjëherë e njohur si CoronaVac), që u përdor shumë në Shqipëri, me rreth 1.7-2.2 milionë jetë të shpëtuara (por jashtë Kinës), e ndjekur nga ajo e Moderna me 1.5-2 milionë jetë.
Si u krye hulumtimi
Për të vlerësuar se sa jetë ka shpëtuar çdo lloj vaksine, Airfinity përdori një studim të fundit nga epidemiologët në Imperial College London. Ky studim përllogariti numrin e vdekjeve të evituara në vitin e parë të vaksinimit, proces i cili filloi më 8 dhjetor 2020.
Studimi i bazuar në Airfinity përjashtoi Kinën, ku ka më pak të dhëna të disponueshme, si dhe vendet e vogla me një popullsi prej më pak se 90,000 banorë. Kjo sugjeron që të gjitha shifrat duhet të jenë pak më të larta, dhe veçanërisht ato për vaksinat kineze – megjithëse përhapja e kufizuar e virusit në Kinë do të thotë gjithashtu se ndikimi i mungesës së tyre nga studimi nuk është aq i madh sa mund të ishte.
Studimi ka përfshirë vetëm njerëzit që kanë marrë jo më shumë se dy doza vaksine.
Fakti që AstraZeneca dhe Pfizer-BioNTech dolën fitues deri në fund të vitit 2021, nuk duhet të jetë befasi. Të dy rritën prodhimin në fillim të 2021 dhe deri në fund të periudhës së studimit patën shumicën e dozave të administruara jashtë Kinës, përkatësisht rreth 2 miliardë dhe 1.5 miliardë doza.
Për më tepër, shumë nga vaksinat e tyre shkuan te popullatat e moshuara që ishin veçanërisht të prekshme nga Covid.
Vaksinat vazhdojnë të shpëtojnë jetë dhe kanë lejuar shumicën e vendeve të kthehen në një dukje të normalitetit para pandemisë. Në garën për zhvillimin e vaksinave për koronavirusin, të paktën 20 milionë njerëz dhe të dashurit e tyre ishin fituesit e qartë. /noa/
Meta njofton ndryshimet në mënyrën se si WhatsApp dhe Messen...
Irani “dërgon” qindra raketa balistike në Rusi
Ukraina e shqetësuar për praninë e raketave balistike irania...
Vogëlushi i afrohet Kurtit për ‘selfie’, ia vë gishtin në gj...
Fundjavë me fluks në Morinë, qytetarët e Kosovës për pushime...
Shqipëria me përmbysje spektakolare ndaj Ukrainës merr tri p...