Në javën që lamë pas është ulur për 16,9% numri i të infektuarve me CoVid-19. Sipas raportit javor të Institutit të Shëndetit Publik në periudhën prej 14-20 dhjetor janë regjistruar 4,585 raste pozitive.
Nga 35 qytetet, vetëm në Shkup janë 42% të të diagnostikuarve, ku edhe incidenca më e lartë e infektimit mbetet në kryeqytet me 221 të prekur në 100 mijë banorë. Në javën që shkoi janë testuar 15,607 persona apo 1,6% më pak se java e kaluar.
Sipas grup moshave më të prekurit janë mbi 60 vjeç apo 29% e të infektuarve, me pak se 2% janë nën moshën 9 vjeçe. Pas marrjes së dy rezultateve negative, brenda një jave janë shëruar 4,513 pacientë ose 15% më pak krahas një jave më parë, të cilët ishin të hospitalizuar apo në kurim shtëpiak. Edhe vdekshmëria është ulur për 8,6% në 7 ditët e kaluara, ku ndërruan jetë 159 pacientë.
Ndërkaq, fluturimet e sotme nga Londra drejt Shkupit u anuluan nga kompanitë e fluturimeve, sipas vendimit të Qeverisë. Deri në fund të vitit sa zgjatë ndalesa e transportit ajror me Mbretërinë e Bashkuar, do të jenë të anuluara edhe dy fluturime të tjera. Kjo masë u ndërmor si preventivë për të penguar përhapjen e variantit të ri të virusit korona, i cili ka kapluar Britaninë e Madhe. Atje rrëmujë e madhe u shkaktua pasi shumë shtete të BE-së bënë këtë ndalesë. Ndërkaq, udhëtarët të cilët vijnë përmes transportit tokësor do të vihen në vetë izolim 14 ditor në kushte shtëpiake./alsat
Vikendi me diell, temperaturat shkojnë deri në 22 gradë Cels...
Bjellorusia e ndërpret ndërtimin e kampit ushtarak afër kufi...
Gjermania kërkon kontrolle shtesë për emigrantët
Problemet me gjumin tek personat që vuajnë nga artriti, ja d...
Mbi 29 000 emigrantë kanë kaluar La Manshin këtë vit
Hakerat kinezë synuan të marrin të dhëna nga telefonat e Don...