Përhapja e shpejtë e variantit shumë ngjitës të omicron vazhdon të shkaktojë shqetësime në mbarë botën, duke përfshirë për shumë njerëz që kanë kaluar tashmë infeksionin e koronaviorusit.

Organizata Botërore e Shëndetësisë ka deklaruar se varianti Omicron mund të përbëjë një rrezik të shtuar të riinfeksionit, duke vënë në duke se informacioni është i kufizuar dhe i bazuar vetëm në prova paraprake, transmeton portal arbresh.info

Por, a mund të infektohemi me Omicron dy herë?

Në këtë pikë, të gjithë janë të pasigurtë.

“Çështja nëse mund të riinfektoheni nga i njëjti lloj i COVID-19 dhe sa e mundshme është, është në ajër”, sqaron mjeku amerikan Dr. Michael Dreis.

Dr. Amesh Adlja, një studiues i lartë në Qendrën John Hopkins për Sigurinë Shëndetësore, tha për KHOU-TV në Hjuston se është e paqartë se çfarë niveli të imunitetit po ndodh infeksioni Omicron.

“Unë dyshoj me kalimin e kohës, po, ndoshta mund të riinfektoheni,” tha ai. “Por ne nuk i kemi ende ato të dhëna sepse Omicron u shfaq për herë të parë nga tetori/nëntori”.

Në mesin e muajit dhjetor, një studim i kryer nga Mbretëria e Bashkuar, zbuloi se rreziku i riinfeksionit me variantin Omicron është pesë herë më i lartë se sa ai me variantin delta, shkruan reuters.

Megjithatë, disa studiues pretenduan se ishte e rëndësishme të mos mbiinterpretoheshin gjetjet, duke thënë se të dhëna të mjaftueshme nuk ishin ende të disponueshme.

Në përgjithësi, mjekët shfaqin shqetësim në daljen e varianteve të reja, pasi ato mund të humbasin fuqinë e infeksioneve.

Meqenëse variantet e reja janë ekstra-ngjitëse dhe imuniteti i vaksinës zvogëlohet me kalimin e kohës, më shumë riinfeksione janë raportuar në muajt e fundit, sipas mjekëve të Klinikës Cleveland, duke vënë në dukje se masat paraprake të relaksuara ndaj COVID-19 gjithashtu luajtën një rol.

Sipas shumë mjekëve, varianti Omicron nuk dallon shumë nga gripi sezonal dhe vetëm ngjitja dhe testimi e bëjnë atë të dallueshme./arbresh.info/