Google ADS

29 raste të reja me Covid-19 në Maqedoninë e Veriut, shërohen 6 pacientë

13:00 | 14 Maj 2020
Arbresh.info

Gjatë 24 orëve të fundit prej gjithsej 349 testeve të realizuara në Maqedoninë e Veriut, 29 kanë rezultuar pozitiv me Covid-19.

Sipas qyteteve, 9 raste janë regjistruar në Shkup, 1 në Kumanovë, 6 në Prilep, 5 në Tetovë, kurse në Strugë, Veles, Manastir, dhe Ohër janë regjistruar nga dy të infektuar.

Instituti i Shëndetit Publik brenda 24 orëve të fundit ka regjistruar 6 të shëruar nga Covid-19.

Me statistikat e fundit, në vendin tonë gjithsej me Covid-19 janë diagnostifikuar 1 723 persona prej të cilëve 1 235 janë kuruar, kurse 95 kanë humbur betejën me virusin.

Që nga fillimi i pandemisë, në vendin tonë janë realizuar gjithsej 20 000 testime për Covid-19.

Sipas burimeve tona, mëngjesin e sotëm ka ndërruar jetë edhe një pacient 70 vjeç nga Velesi, por viktima do të futet në statistikat e raportit të nesërm./alsat

Shpërndaje në rrjete sociale

Lajmet më të lexuara

Të ngjashme

Foto lajm