Google ADS

​SHBA redukton praninë ushtarake në Lindjen e Mesme

18:53 | 19 Qershor 2021
S D

SHBA-ja po redukton aktualisht mbrojtjen e saj anti-ajrore në Lindjen e Mesme, pasi e kishte riforcuar në 2019 dhe 2020 për shkak të tensioneve me Iranin, theksoi Pentagoni duke konfirmuar informacionet e Wall Street Journal.

Ministri i Mbrojtjes, Lloyd Austin, urdhëroi tërheqjen këtë verë nga rajoni të disa forcave dhe kapaciteteve, kryesisht të pajisjeve të mbrojtjes antiajrore”, theksoi në një komunikatë një zëdhënëse e Pentagonit, kapitenja e fregatës, Jessica McNulty.

“Disa prej këtyre pajisjeve do të dërgohen në SHBA për një mirëmbajtje dhe riparimet që janë të nevojshme. Të tjerat do të rivendosen në rajone të tjera”, shtoi ajo.

Zëdhënësja nuk dha detaje nëse këto pajisje do të rivendoseshin në rajonin indo-paqësor, ku Pentagoni kërkon të fokusojë përpjekjet e tij përballë fuqizimit të Kinës.

Sipas Wall Street Journal, Pentagoni ka nisur në fillm të qershorit tërheqjen e tetë baterive antiraketë nga Iraku, Kuvajti dhe Arabia Saudite.

Shpërndaje në rrjete sociale

Lajmet më të lexuara

Të ngjashme

Foto lajm