Komisioni Evropian ka rënë dakord me kompaninë gjermane CureVac për të blerë deri në 405 milionë doza të vaksinës së mundshme kundër COVID-19.
Kontrata do të miratohet të martën dhe do të jetë kompania e pestë me të cilën Komisioni ka lidhur një kontratë mbi vaksinat, sipas Brukselit.
Deri më tani, Komisioni Evropian ka nënshkruar marrëveshje për furnizimin e vaksinave me kompanitë farmaceutike Pfizer, Astra Zeneca, Sanofi dhe Johnson and Johnson.
“Ne nuk e dimë se cila vaksinë do të jetë e sigurt dhe efektive në fund të fundit. Agjencia Evropiane e Barnave do t’i miratojë ato vetëm pas një vlerësimi të plotë dhe ne kemi nevojë për një gamë të gjerë vaksinash të bazuara në teknologji të ndryshme”, tha presidentja e Komisionit Evropian, Ursula von der Layen.
Agjencia Evropiane e Barnave pret që të japë ‘dritën e gjelbër’ për përdorimin e vaksinës kundërCOVID-19 në BE deri në fund të dhjetorit, ndërsa shpërndarja mund të fillojë në janar 2021./tch/
Guri i LDK’së: Mundeni me na paditë, por drejtësisë nuk mund...
Mirlind Daku shkëlqen me dy gola në fitoren e Rubin Kazanit ...
Reshjet e dendura të shiut, Veliaj apel qytetarëve: Shmangni...
Peci ngre kallëzim penal ndaj Lumir Abdixhikut e Paris Gurit...
Moti i keq me reshje shiu në Shqipëri, apel shoferëve për ku...
E transferuan gjatë verës, por Juventus është gati të ndajë ...
Skip to content
