Fitorja ushtarake e Ukrainës ndaj Rusisë do të jetë e pamundur nëse Shtetet e Bashkuara të Amerikës frenojnë furnizimet e artilerisë me raketa me rreze të gjata, tha një zyrtar i lartë ukrainas për CNN.

Më herët presidenti amerikan, Joe Biden tha se SHBA-të nuk kanë plane për të dërguar sisteme raketore në Ukrainë që mund të arrijnë në Rusi, pasi armatosja e Ukrainës ka ngritur shqetësime në Perëndim se raketat mund të përdoren për sulmuar objektivat brenda Rusisë.

Ndërkohë nënkryetari i Këshillit të Sigurimit rus Dmitry Medvedev ka përshëndetur vendimin e Uashingtonit, shkruan Skynews.

Moska e ka dënuar hapur SHBA-në për furnizimin e Ukrainës me armë gjatë gjithë asaj që ajo e quan një “operacion special ushtarak”.

SHBA i ka ofruar Ukrainës një sasi të konsiderueshme ndihme ushtarake që kur Rusia nisi një pushtim të vendit të fund të shkurtit.

Më herët ishin publikuar raporte të cilat thoshin se Biden po përgatitej të dërgonte sisteme të avancuara raketash me rreze të gjatë veprimi në Kiev.

Megjithatë, Biden e hodhi poshtë lajmin