Google ADS

Zyrtari i OBSH-së: Turqia një nga vaksinuesit kryesorë në botë

21:41 | 3 Korrik 2021
S D

Turqia është një nga vendet kryesore në përpjekjet e vaksinimit kundër COVID-19 pasi shumë persona po marrin dozat e dyta, dhe dozat e treta përforcuese janë rrugës.

Ndërsa tani vaksinimi është bërë i mundshëm për të gjitha grupmoshat në vend, shkruan Anadolu Agency.

Përfaqësuesi i Turqisë në Organizatën Botërore të Shëndetësisë, Batyr Berdyklychev, ka thënë se po shohin një trend shumë pozitiv më shkallën e vaksinimit në Turqi.

Shteti turk ka administruar mbi 52 milionë doza vaksinash që kur nisi një fushatë vaksinimi masive në janar.

Më shumë se 35.6 milionë njerëz kanë marrë dozat e tyre të para, ndërsa mbi 15.5 milionë janë vaksinuar plotësisht, ka thënë Ministria e Shëndetësisë.

Numri i përgjithshëm i të prekurve me virus është mbi 5.43 milionë, ndërsa numri i të vdekurve në të gjithë vendin ka arritur në 49 mijë e 829.

Shpërndaje në rrjete sociale

Lajmet më të lexuara

Të ngjashme

Foto lajm