Zjarri në Athinë: Jep dorëheqjen ministri i mbrojtjes civile Toskas

19:45 | 3 Gusht 2018
Arbresh.info

Vetëm pak ditë pas zjarrit katastrofik që përfshiu disa zona të Athinës, qeveria Tsipras ka bërë hapin e parë drejt marrjes së përgjegjësisë.

 

Kështu kryeministri Alexis Tsipras pranoi sot dorëheqjen e Ministrit për Mbrojtjen Civile, Nikos Toskas, i cili bëhet i pari person që merr përsipër përgjegjësinë.

Toskas kishte kërkuar edhe më herët dorëheqjen, por ishte refuzuar nga Tsipras, ndërsa sot, pasi situata emergjente ka kaluar, ministri ka përsëritur sërish të njëjtën kërkesë.

Zjarri që përfshiu zona të tëra të Athinës më 23 Korrik, shkaktoi më shumë se 90 viktima, qindra të plagosur dhe disa persona të humbur.

Qeveria Tsipras u përball me akuza të shumta nga ana e opozitës, por edhe qytetarëve, që theksuan se autoritetet nuk bënë aq sa duhet për të parandaluar këtë situatë./Arbresh.info/

 

Shpërndaje në rrjete sociale

Lajmet më të lexuara

Të ngjashme

Foto lajm