Miliona njerëz në Amerikën e Veriut janë këshilluar të mbajnë maska ​​N95 jashtë për shkak të niveleve të dobëta të cilësisë së ajrit të shkaktuara nga zjarret intensive në Kanada.

Nju Jorku do të fillojë shpërndarjen e maskave falas. Në Kanada, njerëzit duhet të mbajnë maskë nëse nuk qëndrojnë brenda.

Zyrtarët kanë paralajmëruar se kushtet e rrezikshme të tymit pritet të vazhdojnë edhe gjatë fundjavës. Pjesa më e madhe e tymit vjen nga Quebec, ku ka rreth 150 vatra zjarri. Më shumë se 15,000 banorë pritet të detyrohen të evakuohen, thanë zyrtarët të mërkurën, raporton BBC.

Guvernatorja e Nju Jorkut Kathy Hochul njoftoi të mërkurën se Nju Jorku do të shpërndajë një milion maska ​​për banorët e shtetit të enjten. “Kjo është një situatë e përkohshme. Nuk është Covid,” tha ajo duke shtuar se autousët dhe trenat e qytetit kanë sistemi të filtrimit të ajrit me cilësi të lartë.

Agjencia Amerikane për Mbrojtjen e Mjedisit (EPA) e klasifikoi cilësinë e ajrit në pjesën më të madhe të verilindjes si “të pashëndetshme” veçanërisht për njerëzit me probleme të frymëmarrjes. Të mërkurën, shkollat ​​në Uashington DC anuluan aktivitetet në natyrë pasi nivelet e cilësisë së ajrit u etiketuan “kodi i kuq”./abcnews.al