Zhduken 11 autobusë të mbushur me civilë në Ukrainë

15:24 | 3 Maj 2022
Fjolla Bajraktari

Kryetari i Bashkisë së Mariupolit, Vadym Boichenko, ka ngritur shqetësimin se 11 autobusë të mbushur me civilë kanë humbur të gjitha kontaktet.

Autobusët kishin marrë civilët që qëndronin të bllokuar në Mariupolin e shkatërruar për t’i evakuuar ata më pas në një zonë të sigurt nën kontrollin e forcave ukrainase. Megjithatë, Boichenko ka thënë se vetëm 3 nga autobusët e nisur nga Mariupoli kanë mbërritur në Zaporizhzhia.

“Vetëm 3 nga 14 autobusët e evakuimit me civilë arritën në territorin e kontrolluar nga qeveria ukrainase. Fati i njerëzve në 11 autobusë nuk dihet. 11 autobusë janë zhdukur”, deklaroi kryetari i bashkisë së Mariupol Vadym Boichenko./Alsat.mk/

Shpërndaje në rrjete sociale

Lajmet më të lexuara

Të ngjashme

Foto lajm