Kandidatja për zgjedhjet presidenciale në SHBA, Kamala Harris, dha intervistën e saj të parë për CNN herët të premten, pasi mori zyrtarisht nominimin e demokratëve.

Në ditën e saj të parë në detyrë, nëse zgjidhet presidente, nënpresidentja tha se do të fillonte zbatimin e disa prej propozimeve të saj politike për të “mbështetur dhe forcuar klasën e mesme”.

“Kur shoh pritshmëritë, qëllimet, aspiratat e popullit amerikan, mendoj se njerëzit janë gati për një rrugë të re përpara në një mënyrë që brezat e amerikanëve të jenë të ushqyer nga shpresa dhe optimizmi”, tha ajo.

Harris tha se ajo ishte e duhura për president pavarësisht racës apo gjinive, duke iu referuar komenteve të Trump, për ngjyrën e saj.

Kjo përfshin planin e saj për një “ekonomi të mundësive”, diçka për të cilën Harris ka folur në gjurmët e fushatës teksa u drejtohet amerikanëve, shumë prej të cilëve thonë se ekonomia dhe çmimet e mallrave të përditshme janë një përparësi kryesore në këto zgjedhje.

Si pjesë e axhendës së saj ekonomike, Harris tha për CNN në një intervistë të përbashkët ekskluzive nga Georgia me guvernatorin Tim Waltz se do të investonte në bizneset e vogla dhe “familjen amerikane”, duke e bërë strehimin më të përballueshëm dhe duke zgjeruar kreditimin e taksave për fëmijët.

Walsh tha se ishte i emocionuar nga axhenda e propozuar nga Harris dhe se të dy kandidatët ndajnë vlera të ngjashme.

Kamala Harris theksoi përparimin që ajo dhe Presidenti Joe Biden kanë bërë në ekonomi ndërsa Covid-19 u përhap në të gjithë vendin gjatë intervistës së saj të parë.

Zëvendëspresidentja tha se nuk është penduar për qëndrueshmërinë dhe aftësinë e Presidentit Joe Biden për të shërbyer edhe katër vjet të tjera si kryetare e qeverisë.

“Ai ka inteligjencën, përkushtimin, gjykimin dhe ekuilibrin që unë mendoj se populli amerikan me të drejtë meriton në presidentin e tij,” tha ai kur u pyet për mbrojtjen e tij të vendosur ndaj Bidenit pas një debati katastrofik në qershor./abcnews.al