Presidentja e Komisionit Evropian Ursula von der Leyen foli për sanksione më të ashpra kundër Rusisë dhe rritje të ndihmës për Ukrainën pas një telekonference të thirrur sot nga presidenti amerikan Joe Biden .

“Udhëheqësit botërorë mbështesin fuqishëm Ukrainën. Ne do të forcojmë më tej sanksionet tona kundër Rusisë dhe do të shtojmë ndihmën financiare dhe të sigurisë për Ukrainën. Faleminderit President i Shteteve të Bashkuara për mbledhjen e këtij komunikimi të rëndësishëm. Ne jemi në anën e Ukrainës”, tha Ursula von der Leyen në një postim në Twitter.

Good to speak with President @ZelenskyyUa on how to further increase our help to Ukraine

We discussed financial and security assistance, and Ukraine´s replies to the questionnaire on EU membership.@EU_Commission stands ready to support.

Ukraine belongs in our European family. pic.twitter.com/vv1wY5gRCV

— Ursula von der Leyen (@vonderleyen) April 19, 2022

Gjithashtu, presidentja e  Komisionit  zhvilloi sot një bisedë të re telefonike me presidentin e Ukrainës Volodymyr Zelensky.

Në një postim në Twitter, presidenti ukrainas tha se ata diskutuan perspektivat e pranimit të Ukrainës në BE, si edhe për  agresionin në rritje të Rusisë në Donbas .

“Ne diskutuam rritjen e ndihmës për sigurinë, si dhe ndihmën e BE-së për rindërtimin e Ukrainës”, tha Zelensky në Twitter.

Informed EC President @vonderleyen about the provision of the completed questionnaire – an important step towards #EU membership! Discussed the increase of security aid to ?? in the face of RF’s aggression. Also discussed postwar reconstruction. We appreciate the support of ??!

— Володимир Зеленський (@ZelenskyyUa) April 19, 2022