Google ADS

Zelensky: Nuk do të ketë negociata derisa rusët të tërhiqen nga toka e okupuar ukrainase

20:55 | 16 Qershor 2023
Diellza Gashi

Presidenti ukrainas Volodymyr Zelensky tha sot, pas takimit që pati me liderët e vendeve afrikane në Kiev, se bisedimet e paqes do të jenë të mundshme vetëm pasi Rusia të tërheqë trupat e saj nga territoret e pushtuara ukrainase, njoftoi agjencia e lajmeve Interfax.

“Ne kemi nevojë për paqe të vërtetë, një tërheqje reale të forcave ruse nga toka jonë”, tha Zelensky , i cili u bëri thirrje liderëve afrikanë të bashkohen në një samit global të paqes.

Presidenti i Afrikës së Jugut, Cyril Ramaphosa bëri thirrje për de-përshkallëzimin nga të dy vendet në një konferencë të përbashkët shtypi me Zelensky.

“Duhet të ketë de-përshkallëzim nga të dyja palët,” tha Ramaphosa, i cili është pjesë e një delegacioni të liderëve afrikanë që përpiqen të ndërmjetësojnë midis Moskës dhe Kievit./abcnews

 

Shpërndaje në rrjete sociale

Lajmet më të lexuara

Të ngjashme

Foto lajm