Tërheqja e trupave mercenare të Wagner dhe incidenti që kreu i tyre krijoi disa kilometra larg Kremlinit duket se ka dhënë dhe efektet e para në fushëbetejë.
Presidenti ukrainas Vlodimyr Zelensky u shpreh përpara popullit ukrainas se disa e sotme është shumë e mirë pasi ushtria po avancon në të gjitha drejtimet ku ka nisur kundërofensiva për çlirimin e territoreve.
“Forcat ukrainase po marshojnë në të gjitha drejtimet. Sot luftëtarët tanë po avancojnë dhe kjo është një ditë e lumtur”, u shpreh Zelensky në mesazhin e tij drejtuar kombit ukrainas, pasi vizitoi trupat në Bakhmut dhe Zaporizhzha.
Aktualisht, forcat ruse vijojnë të përqendrojnë përpjekjet e tyre në Lyman, Bakhmut e Marinka, ku nga e hëna janë regjistruar të paktën 38 përballje.
Nga ana tjetër mediat britanike deklarojnë se kanë zbuluar detaje thelbësore se përse mercenarët e Wagner e ndaluan menjëherë marshimin drejt Moskës, në një lëvizjes të papritur.
Sipas BBC, forcat e sigurisë ruse dhe shërbimet sekrete kanë shkuar derë më derë në familjet e drejtuesve të Wagner dhe i kanë kërcënuar. Kjo gjë ka bërë që Yevgeny Prigozhin të ndërpriste atë që kishte nisur.
Të njëjta burime bëjnë më dije se “Kuzhinieri i Putin” e dinte mirë se do të pësonte një disfatë të madhe nëse i afrohej Moskës pasi kishte në dispozicion vetëm 8000 burra.
Ndërkohë, presidenti rus, Vladimir Putin, pas mesazhit të dhënë për popullin, zhvilloi një takim me krerët e agjencive të sigurisë, ku ishin të pranishëm kryeprokurori Anton Vaino, ministri i Brendshëm, Vladimir Kolokltsev, ai i Mbrojtjes, Shoigu, kreu i FSK, Alexander Bortnikov dhe shefi i gardë kombëtare Viktor Zolotov./A2
Barella: Sot kundër një skuadre shumë të fortë dëshmuam se m...
Kurti: Të përkushtuar për të vërtetën dhe për drejtësi për t...
Shpërthimet në Liban, reagon kryeministri izraelit Netanyahu
Raportohet për një lëvizje të mundshme të Zhegrovës në të ar...
Biden pret të hënën homologun e Emirateve të Bashkuara Arabe...
Finlanda e mbron vendimin për të blerë armë izraelite