Zelensky bën thirrje për sisteme moderne të mbrojtjes ajrore

10:24 | 6 Korrik 2022
Fjolla Bajraktari

Presidenti ukrainas Volodymyr Zelensky u bëri thirrje aleatëve perëndimorë që të furnizojnë vendin me sisteme moderne dhe efektive të mbrojtjes ajrore pasi Rusia goditi objektivat në rajonin Khmelnytskyi të Ukrainës perëndimore të martën në mbrëmje, shkruan CNN.

“Ushtria ruse nuk po ndalet. Detyra e tyre është të vrasin dhe të frikësojnë njerëzit. Detyra jonë është të mbrojmë njerëzit tanë por përmbushja e kësaj detyre varet jo vetëm nga ne, por edhe nga partnerët tanë,” tha Zelensky.

Kreu i administratës ushtarake të rajonit Khmelnytskyi, Serhii Hamalii, tha se rusët kishin hedhur katër raketa. Një prej predhave u kap nga mbrojtja ajrore e Ukrainës, ndërsa mbetjet ranë në rrethin Shepetiv.

“Objektivi i sulmeve ishte një depozitë uji që furnizon plotësisht komunitetin me ujë,” tha ai të martën në mbrëmje.

“Si pasojë e shpërthimeve, një person ka mbetur i plagosur”.

Sipas Zelensky, janë regjistruar gjithashtu sulme ruse në Sumy, Mykolaiv dhe Dnipropetrovsk./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm