Zbulohet plani i lideres botërore për ta vrarë diktatorin Kim Jong un

15:22 | 28 Qershor 2017
M. A.

Koreja Veriore ka thënë sot se e ka lëshuar një urdhër për ekzekutimin e ish-presidentes së Koresë Jugore, Park Geun-hye, dhe shefin e saj të spiunazhit për shkak të një ploti për ta vrarë liderin e Veriut, Kim Jong un.

Agjencia zyrtare e lajmeve e Koresë Veriore, KCNA, ka shkruar se Park e kishte orkestruar plotin për ta ekzekutuar liderin suprem të Veriut në vitit 2015, transmeton Express.

“Koreja Veriore vendos dënim me vdekje për tradhtaren Park Geun-hye”, ka shkruar KCNA.

KCNA nuk ka treguar se kush e ka bërë këtë zbulim, por një gazetë japoneze ka raportuar këtë javë se Park e kishte aprovuar një plan në vitin 2015 për ta rrëzuar regjimin koreano-verior të liderit Kim Jong-un.

Ndërkohë, Park u rrëzua nga pushteti në muajin mars për shkak të një skandali të korrupsionit dhe momentalisht ndodhet në paraburgim derisa vazhdon gjykimi i saj.

Shpërndaje në rrjete sociale

Lajmet më të lexuara

Të ngjashme

Foto lajm