Zbulohet një tjetër varr masiv në Kiev

00:04 | 30 Prill 2022
Trina Galanxhi

Një tjetër varr masiv që përmban 900 trupa është gjetur në rajonin e Kievit. Lajmin e rëndë e dha presidenti ukrainas Volodymyr Zelensky.

Në një intervistë me mediat polake, ai akuzoi trupat ruse për “pastrimin e gjurmëve” dhe përdorimin e krematoriumeve të lëvizshëm për të djegur kufomat.

“Askush nuk e di se sa njerëz vdiqën në total. Do të ketë pasoja, do të ketë një hetim” – tha Zelensky, por nuk dha detaje të tjera.

Ukraina ka akuzuar më herët trupat ruse për vrasjen e qindra civilëve në Bucha, Borodyanka dhe Irpin, qytete pranë kryeqytetit Kiev, të cilat ishin të pushtuara për javë të tëra nga Rusia.

Moska i ka hedhur poshtë akuzat./lapsi/

Shpërndaje në rrjete sociale

Lajmet më të lexuara

Të ngjashme

Foto lajm