Zbulohen dhjetëra kufoma në veriperëndim të Nigerisë

08:02 | 16 Shkurt 2019
Arbresh.info

Zyrtarët në veriperëndim të Nigerisë kanë raportuar zbulimin e trupave të 66 personave, 22 prej tyre fëmijë dhe 12 gra, të vrarë nga elemente kriminale.

Viktimat janë gjetur në tetë fshatra në zonën Kujuru në shtetin Kaduna, bën të ditur qeveria, transmeton portali arbresh.info.

Forcat e sigurisë kanë bërë arrestime lidhur me këtë rast, tha guvernatori Nasir El-Rufai.

Ai ka bërë thirrje tek komuniteti për të shmangur sulmet hakmarrëse, por nuk ka identifikuar të dyshuarit dhe nuk ka dhënë arsye për vrasje.

Katër persona të lënduar janë shpëtuar nga forcat e sigurisë dhe janë duke marrë kujdesin e duhur mjekësor.

Zbulimi është raportuar të premten, vetëm një ditë para se vendi të shkonte në zgjedhje./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm