Shefi i diplomacisë iraniane, Javad Zarif, ashpër i është përgjigjur presidentit amerikan, Donald Trump, për deklaratën e dhënë më parë për keqkuptimet që dëmtojnë paqen, raporton Anadolu Agency (AA).
“Sanksionet nuk janë alternativë për luftën, ato janë luftë”, shkroi Zarif në Twitter me tag tek presidenti i SHBA-ve, Trump.
Të hënën, SHBA vendosën sanksione ndaj udhëheqësit fetar iranian, Ajatolah Khamenei dhe udhëheqësve ushtarakë të Iranit. Sanksionet erdhën si zgjidhje alternative pasi Trump, në çastin e fundit, u tërhoq nga sulmi ndaj Iranit, në të cilin, siç tha ai, “do të vriteshin 150 njerëz”.
Përshkallëzimi i tensioneve filloi me rrëzimin e dronit amerikan në Ngushticën e Hormuzit.
Presidenti iranian, Hassan Rouhani, të martën tha se sanksionet janë tregues i dëshpërimit të administratës Trump.
“Çdo sulm iranian ndaj çdo gjëje amerikane do të hasë në përgjigje të madhe dhe të ashpër. Për disa vende, kjo do të thotë fshirje e plotë”, shkroi Trump në Twitter.
Trump pastaj i tha televizionit Fox se lufta me Iranin nuk do të zgjasë shumë.
Nga ana tjetër, shefi i diplomacisë iraniane Zarif iu përgjigj se lufta e shkurtër me Iranin është iluzion.
Ai shtoi se lufta nuk do të përfundonte me palën që e fillon atë. “Zhdukje = gjenocid = krime lufte”, tha Zarif.
Rama: Nga 2025-a, transfertat e parave me Shqipërinë si bren...
Xhaka thotë se nuk e zuri gjumi deri në mëngjes pas humbjes ...
Kryetari në mesin e 16 të vrarëve nga sulmi izraelit në ndër...
Kosova përfiton më së shumti në rajon nga Fondi i Garancisë ...
Pacolli takon udhëheqësin e ri të degës së AKR-së në Lipjan,...
Begaj priti në takim një delegacion nga fondacioni arsimor t...