29-vjeçari shqiptar Endrit Sinaj është vrarë më armë zjarri në Spanjë. Ngjarja ka ndodhur më 23 prill, ku i riu u la i plagosur me armë zjarri në derën e urgjencës së Trueta në Girona të Spanjës, ku nuk ka mundur t’i mbijetojë plagëve.
Viktima i identifikuar sot nga autoritetet spanjolle si Endrit Sinaj, nuk ishte një emër i panjohur për autoritetet spanjolle dhe as ato shqiptare.
Para se i riu të plagosej me armë zjarri, ishte lënë i lirë nga gjykata spanjolle vetëm pak ditë më parë pasi ishte arrestuar për trafik droge.
Ai u arrestua së bashku me një tjetër shqiptar pas një operacioni të trafikut të marijuanës në Marbella, por gjykata e kishte liruar atë me masën “detyrim paraqitje”.
Endrit Sinaj nuk ishte i panjohur as për autoritet shqiptare, ku në 2020 në Vlorë, ishte pjesë e grabitjes me armë në një familje në Selenicë.
Sinaj ishte pjesë e grupit të grabitëve prej 5 personash të kamufluar si policë, të cilët u arrestuan nga policia, por vetë 29-vjeçari dhe një tjetër u liruan nga gjykata me masën “detyrim paraqitje”.
Autoritetet spanjolle vijojnë hetimet për identifikimin e autorëve të vrasjes së 29-vjeçari por dhe zbulimit se ku ndodhi skena e krimit, pasi i riu u la i plagosur në derën e urgjencës spitalore./telegrafi
Meta njofton ndryshimet në mënyrën se si WhatsApp dhe Messen...
Irani “dërgon” qindra raketa balistike në Rusi
Ukraina e shqetësuar për praninë e raketave balistike irania...
Vogëlushi i afrohet Kurtit për ‘selfie’, ia vë gishtin në gj...
Fundjavë me fluks në Morinë, qytetarët e Kosovës për pushime...
Shqipëria me përmbysje spektakolare ndaj Ukrainës merr tri p...