Të paktën tre persona janë vrarë dhe shtatë të tjerë janë plagosur, pas shpërthimit të një bombe në qytetin Chaman të Pakistanit.
Policia tha se bomba ishte vendosur në një motoçikletë e cila ishte parkuar jashtë zyrës së një partie fetare në qytetin Chaman, që gjendet në afërsi të kufirit me Pakistanit.
Zyrtarët thanë se bomba është shpërthyer me telekomandë kur lideri i partisë Ulema-e-Islam, Maulana Mohammad Hanif, ishte duke dalë nga zyret e partisë së tij. Hanif dhe dy burra të tjerë mbetën të vdekur nga shpërthimi.
Askush deri më tani nuk e ka marrë përgjegjësinë për këtë shpërthim.
Në një incident të ndarë, po ashtu sot u vranë gjashtë persona dhe katër të tjerë u plagosën, pasi një sulmues hapi zjarr në një autobus që po udhëtonte në qarkun Hangu, në veriperëndim të Pakistanit.
Policia i tha Radios Evropa e Lirë se motivet e këtij sulmi ishin personale. Policia tha se në mesin e të vrarëve është një grua dhe një fëmijë.
Arsenali e ka gjetur tek Bayern Munich lojtarin i cili mund ...
Libani dëbon rreth 70 oficerë dhe ushtarë sirianë
Supa e cila eliminon helmet dhe yndyrat nga trupi: Racion i ...
Për herë të parë, ShBA furnizon Ukrainën me gaz amerikan
Murtaja afrikane/ Autoriteti i Veterinarisë asgjëson sipas p...
Si ndikon gjumi në sistemin imunitar?
📱 Shkarkoni Aplikacionin Arbresh.info për lajmet dhe përditësimet më të fundit!
Skip to content
